وێنەکێشانی منداڵان - ئانا فرۆید

منداڵەکان ئارەزوویەکی زۆریان هەیە بۆ وێنەکێشان، ڕەنگە بەلای زۆرکەسەوە ئەو وێنانە هێلکاریەکی بێ مانا بن. بەڵام لێکۆڵەڕان پێچەوانەی ئەمەیان سەلماندوە. وێنەکێشان بۆ منداڵان رێگایەکە بۆ پەیوەندی و ناردنی پەیام بۆ گەورەکان.

وێنەکانی ئەو هۆکارێکە بۆ گوزارشتکردن لە خۆی، وە ڕاکردن لەو ئازارانەی کە بینیویەتی و وە هێمایەکن بۆ تابۆگەلێک کە لەگەڵ ئازارەکانی منداڵەکان پەیوەندی هەیە و ئەوان لە رێگەی زمانەوە توانای گوزارشتکردنیان لەو ئازارانە نیە.

منداڵ زۆرینەی دەروونی خۆی لە رێگای وێنەکێشانەوە دەردەخات و پەیوەندی، گرێ ، ناتەواوی و ئارەزووەکانی خۆیی نائاگایانە بە کۆمەکی هێما نێشان دەدات.

لە ڕاستیدا منداڵەکان لە رێگای وێنەکیشان دەتوانن ئەوشتەی کە لە عەقلی نائاگایاندایە دەرببڕن کە ڕەنگە ببێتە هۆی ناڕەحەتی، نیگەرانی، ترس و دڵەڕاوکێکانیان و بەو شێوازە دەری دەبڕنە دەرەوە.

وێنەکێشان دەتوانێت گوزارشت لە هەستی دەروونی منداڵ بکات و هۆکاری خاڵیکردنەوەی هەڵچونەکانی ئەو بێت، هەمان ئەو خاڵیبوونەوە هەڵچوونیەش لە کۆتایدا دەبێتە چارەسەر بۆ منداڵانی گرفتدار. وێنەکێشان نەک تەنها زیرەکی و ئاستی ئاڵوگۆری عەقلی ئەو نیشاندەدات، بەڵکو کردنەوەی جۆرێک لە کاردانەوەی هەستی خۆیی و ئەوانی ترە و ئێمە بەرەو گرفتی دەروونی و مێژووی ژیانی منداڵ رێنوێنی دەکات.

#ئانا_فرۆید

وەرگێرانی: کارمەند عەزیز عەلی

https://www.facebook.com/karmand.aziz