یۆنگ ناسی

جەماوەری هەڵبژاردن (1) گۆستاف لۆبۆن بڕوای وایە کە جەماوەرەکان بە گشتی لە هەموو دونیادا، چەند تایبەتمەندی و خەسڵەتێکیان هەیە کە پێێ جیا دەکرێنەوە.  جەماوەر هەڵگری هەمان خەسڵەتەکانی ئەو تاکانە نیە کە لێی پێکدێت. کۆمەڵێک تاک کە کۆدەبنەوەو جەماوەرێک دروست دەکەن، هەندێک تایبەتمەندی نوێ دروست دەکەن و هەندێکێش ون دەکەن. وە هەروەها "گۆستاف لۆبۆن" پێی وایە کە جەماوەریش دابەش دەبێت بەسەر چەند جۆرێکدا و لە ناوینادا جەماوەری هەڵبژاردن جیادەکاتەوە. پێناسەی دەکات بەوگروپە خەڵکەی کە  بانگهیشت دەکرێن تا کۆمەڵێک خەڵک لە هەندێک ناوەند و پۆستدا هەڵبژێرن. وە ئەو جەماوەرەش بە جەماوەرێکی ناوێکچوو دەچوێنیت. جەماوەری هەڵبژاردن هەڵگری هەموو ئەو خەسڵەتانە نیە کە جەماوەر بەگشتی هەیەتی، چونکە ئەرک و مهامی جەماوەری هەڵبژاردن تەنها لەیەک خاڵدا کۆدەبێتەوە ئەویش هەڵبژاردنی کەسێکە لە نێو کۆمەڵە کەسێکدا. گۆستاف لۆبۆن بەگشتی سیفەتە بنەرەتیەکانی جەماوەر بەم چەند جۆرە خوارەوە دیاریی دەکات کە ئەمانە: 1- جەماوەر بیرکردنەوەی عەقلی لاوازە : جەماوەری هەڵبژاردن زیاتر لە لایەن ناهۆشمەندییەوە کۆنتر...

منداڵەکان ئارەزوویەکی زۆریان هەیە بۆ وێنەکێشان، ڕەنگە بەلای زۆرکەسەوە ئەو وێنانە هێلکاریەکی بێ مانا بن. بەڵام لێکۆڵەڕان پێچەوانەی ئەمەیان سەلماندوە. وێنەکێشان بۆ منداڵان رێگایەکە بۆ پەیوەندی و ناردنی پەیام بۆ گەورەکان . وێنەکانی ئەو هۆکارێکە بۆ گوزارشتکردن لە خۆی، وە ڕاکردن لەو ئازارانەی کە بینیویەتی و وە هێمایەکن بۆ تابۆگەلێک کە لەگەڵ ئازارەکانی منداڵەکان پەیوەندی هەیە و ئەوان لە رێگەی زمانەوە توانای گوزارشتکردنیان لەو ئازارانە نیە . منداڵ زۆرینەی دەروونی خۆی لە رێگای وێنەکێشانەوە دەردەخات و پەیوەندی، گرێ ، ناتەواوی و ئارەزووەکانی خۆیی نائاگایانە بە کۆمەکی هێما نێشان دەدات . لە ڕاستیدا منداڵەکان لە رێگای وێنەکیشان دەتوانن ئەوشتەی کە لە عەقلی نائاگایاندایە دەرببڕن کە ڕەنگە ببێتە هۆی ناڕەحەتی، نیگەرانی، ترس و دڵەڕاوکێکانیان و بەو شێوازە دەری دەبڕنە دەرەوە . وێنەکێشان دەتوانێت گوزارشت لە هەستی دەروونی منداڵ بکات و هۆکاری خاڵیکردنەوەی هەڵچونەکانی ئەو بێت، هەمان ئەو خاڵیبوونەوە هەڵچوونیەش لە کۆتایدا دەبێتە چارەسەر بۆ منداڵانی گرفتدار. وێنەکێشان نەک تەنها زیرەکی و ئاستی ئا...

توێژینەوەکان نیشانی دەدەن کە سایکۆلجیستەکان لە سویسرا لەو بوارەدا بەرزترین موچەیان هەیە. لەو وڵاتەدا، ناوەندنی کرێیەکەیان دەگاتە  88،304 $ ، لەگەڵ ئەوەی ئەو ڕاسپارادانەی لە تایبەتمەندانی (اخصائی) گرانبەهاوە دەستت دەکەوێت، جیاوازی نیە لەگەڵ ئەو ئامۆژگاریانەی کە دەتوانی لە وڵاتانی تربەدەستی بێنی. ئەگەر تۆ پرسیار لەکەسێک بکەی کە دێتە دەر لە ئۆفیسی سایکۆلۆجیستێک، چی فێربووە. لەوانەیە تۆ گوێبسیتی یەکێک لەو 10 وەڵامەی خوارەوە بیت، ئەوەش لەبەر ئەوەنیە کە ئەو گرفتانەیان نیە، بە سادەیی ئەو وڵامانە گونجاون بۆ زۆرینەی خەڵکی، لەبەر ئەوە بۆچی دەبێت پارەیەکی زۆربدەی، ئەگەر خۆت بتوانی  ئەو وڵامانە بدۆزییەوە کە  پێویستە؟ 10- زۆرینەی گرفتەکان لە تەمەنی منداڵیەوە دێت. تەنها لە باوانت بنوارە. رەفتاری باوانت چۆن بووە؟ پاڵنەری رەفتارەکانی ئەوان چی بووە؟ گەلێک تیۆر هەیە کە روونی دەکاتەوە بۆچی رەگی گرفتەکانمان لە منداڵیدایە. ئەگەر زانیت و تێگەیشتیت بۆچی باوانت ئەمە یان ئەوەیان کردوە، تۆ دەتوانی بیانبەخشیت و هەنگاوێکی گەورە بنێی بەرەو قبوڵکردنی خۆت بەو جۆرەی کەهەی. 9-گرفتەک...

(مرۆڤ بە سرووشتی خۆی شەرخواز نیە ، ئەگەر هەڵەکانی هەرچەندە بن ، ئەوا بە هۆی تیگەیشتنی هەڵەکانییەتی لە ژیان و پێویستە بەو هۆیانەوە نە چەوسێتەوە ، مرۆڤ توانای گۆرانی لە لا هەیە ، رابردوو رۆیشت و ناگەرێتەوە ، هەر بۆیە تاک ئازادە و پێویستە بە خۆشی بژی) کاری ئەدلر بە یەکەم لادانی گرنگ لە دەروونشیکاری دەزانرێ ، ئەدلر تێگەیشتنێکی دیکەی بۆ سرووش تی مرۆڤ دارشتەوە و تێدا مرۆڤی وەک قوربانی و غەریزە و ململانێ نەزانیوە و پێیوایە مەحکومی هێزە بایۆلۆژی ئەزموونەکانی منداڵی نین . شێوازی ئەدلر بە (دەروونزانی تاک) ناسرا لەبەر ئەوەی بایەخی بە تایبەتمەندییەکانی تاکایەتی هەر کەسێک دەدا گشتییبوون و بە جیهانیبوونی پاڵنەرە بایۆلۆژییەکانی کە (فرۆید) خستبوویە پاڵمان رەتکردەوە ، تاک لە تێروانینی ئەدلەردا مرۆڤ بوونەوەرێکی کۆمەڵایەتە نەک بایۆلۆژی و کەسایەتییەکەی لەلایەن ژینگەی کۆمەڵایەتی کارلێکی لەگەڵ ئەو ژینگەی درووست نەک پێداویستییە بایۆلۆژی و هەوڵە بەردەوامەکانمان بۆ تێرکردنیان درووستی نەکردووە . پاڵنەری رفتاری مرۆڤ لە روانگەی ئادلر - ئادلر سەرتا غەریزەی سێکسی بە پاڵنەری رفتاری مرۆڤ دەزانی - پاشان ئەو بۆ چ...

تێروانینی "کارڵ گۆستاڤ یۆنگ" لەسەر درووست بوونی کەسایەتی مرۆڤ و سرووشتی مرۆڤ ( ژیانم هەمووی بریتی یە لە چیرۆکی بە دیهێنانی خود بۆ نەست ، هەموو شتێک لە نەست دا هەوڵدەدات بۆ ئەوەی ببێتە شتێکی دیار و کەسایەتیش هەوڵدەدات بۆ ئەوەی بەدەربکەووێت لە بارودۆخی نەست دا ) یۆنگ سەرەتا یەکێک بوو لە هەرە هاۆرێ خۆشەویست و نزیکەکانی فرۆید ، کە تا جیابوونەوەی لە ساڵی (١٩١٤) لە فرۆید ، فرۆید وەک جێگرەوەی روحی خۆی  تەماشای دەکرد ، بەڵام لە دوای ئەو مێژووەوە لە فرۆید لایداو تیورێکی نوێ ی لە بارەی کەسایەتیەوە داهێنا کە ناسراوە بە (دەروونزانی شیتڵکاری ) چونکە ئەم تیورە لە بنەرەتدا تێورێکە لە شیتەڵکاری دەروونی بە هۆی جەختکردنەوەی زۆری لەسەر پرۆسە (نەستیەکان) . بەڵام لەگەڵ ئەوەشدا ئەم تیوەر جیادەبێتەوە لە تێوەرکەی فرۆید لە سێ لایەنی دەیارەوە کە ئەمانەن . ١ - رۆڵی سێکس : یۆنگ پێناسەکەی فرۆیدی بۆ (لیبیدۆ) واتە وزەی دەروونی فراونتر کرد ئەوەش لە رێگای سەرلەنوێ پیناسەکردنیەوە بەوەی بریتیە لە ( هێزێکی دەروونی سێکسیش دەگرێتە خۆی بەڵام بە سێکسەوە رەنگ رێژ نەکراوە) ٢ - ئاراستەی ئەو هێزەی کە کاریگەرەی...

تێروانینی کارین هۆرنانی بۆ درووست بوونی کەسایەتی مرۆڤ کارین هۆرنای تیۆریستێکی دەروونی - کۆمەڵایەتیە کە گرنگیەکی زۆر دەدات بە پەیوەندیە کۆمەڵایەتیەکان لە جیاتی هێزە فسیۆلۆژیەکان وەک هۆکارێکی بنەرەتی لە درووست بوونی کەسایەتیدا ، لەگەڵ ئەوەی کە هۆرنای خۆی یەکێک بوو لە لایەنگرانی قوتابخانەی دەروونشیکاری بەڵام لە چەند لایەنی گرنگەوە جیاوازە لەگەڵ فرۆید دا ، هۆرنای لەو بروایەدا بوو کە ململانیەکان لە  بنەرەتدا ژینگەیین وەک لەوەی کە ململانێ بن لە نێوان بەشەکانی کەسایەتیدا ، هەروەک چۆن لەو بروایدا بوو کە کێشە سێکسیەکان درووست دەبن بە هۆی دڵەراوکیەوە نەک دڵەراوکێ دەرئەنجامی کێشە سێکسیەکان بێت ، جگە لەوەش هۆرنای گریمانەی فرۆید بۆ قۆناغەکانی گەشەی دەروونی – سێکسی رەتدەکاتەوە ، چونکە لەو بروایە دایە کە ژیانی منداڵ دەست پێدەکات بە هەستکردن بە بێدەسەڵاتی لە بەرانبەر دایک و باوکێکی بە هێز دا ، هەروەها لە گرنگی پاڵنەرە بایەلۆژییەکانی کەمکردوە ، لەرێگای جەختکردنەوەی زیاتری لەسەر پێویستی تاک بۆ ئاسایش جیا لەوەی کە تەماشای ووزەی دەروونی بەوە دەکات کە پێکدێت لە چەندان پاڵنەر نەک تەنها تایبەت بێت...

کاری دەروونناسی مەکەن بە کاری دەستگێری! هەرگیز لە پێناو پشکنیندا، پشکنین بۆ نەخۆشی مەکەن! چونکە دەبێتە هۆی بەهەڵە بینین و خێلی، شتێکی لێ دەردەچێت بە زۆری و زێدەڕۆیی. ئەو ئەزموونانەی مرۆڤ تێیدا دەژی، ئەگەر بە ئەنقەست تەنیا بۆ ئەزموونکردن بێت، ناگاتە هیچ شتێک. پێویستە مرۆڤ لە کاتی ئەزموونکردنی شتەکاندا، چاوی لەسەر خۆی بێت، هەر چاو لادانێک لێرە لەم حاڵەتەدا، دەبێتە چاوێکی بەد. هەر کەسێک بە خۆرسک دەروونناس بێت، خۆی لەوە خۆی دەپارێزێت لە پێنناو بینیندا تەماشا بکات، هەمان شتیش لە بارەی وێنەکێشێکی خۆرسک، هەرگیز کاری خۆی لە سروشت وەرناگرێت، ئەو سەلیقەی خۆی رادێنێت حاڵەتی دەگمەن لەنێو سروشت هەڵبژێرێت و گوزارشتی لێ بکات. ئەو تەنیا شتە گشتیەکان دەزانێت، تەنیا کۆتاییەکان دەزانێت، تەنیا ئەنجام دەزانێت، ئەم جۆرە بە گشتیکردنە زۆرە ملێیە نازانێت کە نوێخوازی هێناویەتی. کاتێک مرۆڤ پێچەوانەی ئەمە رەفتار بکات چی ڕوودەدات؟ بۆ نمونە ئەگەر وەکو ڕۆمانتیکەکانی پاریس بکەین، سایکۆلۆژیایی دەسگێرەکان مومارەسە بکەین، گەورە و بچووک؟ چاوبازی لەگەڵ واقیع بکەین و ئێوارانیش بە دەستی پڕ بچینەوە... هەر ئەوەندە ب...

شازادە ماری پۆناپارت، لەدایکبووی ٢ ی یولیوی 1882یە لە سان کلوی فەرنسا و لە 21 سێپتمبر 1962 لە سان تروپیە کۆچی دوایکردوە. نوسەر و دەروونشیکارە و نەوەی برای ناپلیۆن پۆناپارتە. پەیوەندیەکی توندوتۆلێ لەگەڵ سیگمۆند فرۆید هەبووە و بە سامانەکەی بەشداریکردوە لە بواری دەروونشیکاری، وە هاوکاری فرۆیدی کردوە تا لە ڤیننا دەرچێت و زۆرێک لە وێنە و ڤیدیۆ دەگمەنەکانی فرۆیدی تۆمارکردوە و هەروەها تەرجەمەی کارەکانی فرۆیدی کردوە بۆ فەرەنسی و وە یەکێک بووە لە سەرسەخترین و عاشقانی فرۆید.  #karmandaziz سەرچاوە:  التحليل النفسي اليوم

حەقیقەت هەرگیز لە هەموو هەل و مەرجێکدا حەقیقەت نیە، تەنها کاتێک حەقیقەتە کە بەکاربێت و کاتێک کە بەکارنەیەت ناڕاست و بێ بایەخە. لـە فەلسەفەو مەزهەبیشدا هەروەک دەرونناسی هەرگیز ناتوانیت یاسایەکی دیاریکراو دەربکەیت ئەمە بە ڕەهایی نەکردەیە. لەبەرئەوەی شتێک کە لە قۆناغێکی کامڵـبوونی تەواودایە بۆ قۆناغێکیتر بە تەواوی نادروسـتە. کەوابێ هەمـیشە پرسی کامڵبوون و کـات دەخرێتە ڕوو، باشترین حەقیقەت بۆ قۆناغێکی دیاریکراو ڕەنگە بۆ قۆناغێکیتر ژەهر بێت.! بێ مانایە کە شتێک لە هەموو جێیەک و هەموو هەل و مەرجێکدا ڕاست و دروست بێت، دەرئەنجام حەقیقەت ناجێگـیرو بێ بنبەستە.                                          "کارڵ گۆستاڤ یۆنگ"  و:ڕوقـیە سەییدی